ދުނިޔޭގެ އެކި ކަންކޮޅުތަކުގައި ވެޕް މަނާކުރުމުގެ ތާރީހަކީ ވެއިޕްގެ ސަބަބުން ޚާއްސަކޮށް ޒުވާނުންގެ ސިއްހީ ގޮތުން ކުރާ އަސަރުތަކާ މެދު ކަންބޮޑުވުންތައް އިތުރުވަމުންދާ ޖަވާބެކެވެ. ރާއްޖޭގައި ވޭޕް ކުރުން މަނާކޮށްފައިވާއިރު މިއީ ބައެއް ގައުމުތަކުގައި މާކުރިންވެސް ކޮށްފައި އޮތް ކަމެކެވެ. އަދި އަނެއް ބައި ގައުމުތަކުގައި ކުރަން ބޭނުންވެ ނުކުރެވިވާކަމެއްކަން ފާހަގަ ކޮށްލެވެއެވެ.

ވޯލްޑް ހެލްތު އޮގަނައިޒޭޝަން، ސައުތު-އީސްޓް އޭޝިއާއިން އެކްސްގައި ކުރި ޕޯސްޓެއްގައިވަނީ, ރާއްޖެއިން ވޭޕް މަނާކުރުމަށް ނިންމި ނިންމުމަށް މަރުހަބާ ކިޔާފައެވެ. އެ ނިންމުމަކީ ވަކިން ޚާއްސަކޮށް ޒުވާން އުމުރުގެ ކުދިންގެ މެދުގައި ވޭޕްކުރުން އިތުރުވުން ހުއްޓުވުމަށް މުހިންމު ފިޔަވަޅެއް ކަމަށް ޑަބްލިއުއެޗްއޯއިން ބުނެފައިވެއެވެ.

ކުރީކޮޅުގެ ކަންބޮޑުވުންތަކާއި ފުރަތަމަ ގަވާއިދު

 2000 ގެ އަހަރުތަކުގެ ފަހުކޮޅު އަދި 2010 ގެ އަހަރުތަކުގެ ކުރީކޮޅު ވެޕިންގ އަށް މަގުބޫލުކަން ލިބުމާއެކު، ސިއްހީ އިދާރާތަކުން ސިއްހީ ގޮތުން ކުރިމަތިވެދާނެ ނުރައްކާތަކާ މެދު ކަންބޮޑުވުން ފާޅުކުރަން ފެށިއެވެ. ފުރަތަމަ ގަވާއިދުތަކުގައި ބޮޑަށް އަލިއަޅުވާލާފައިވަނީ އުމުރު ހަނިކުރުމާއި، އިޝްތިހާރުކުރުމާއި، ލޭބަލްކުރުމުގެ ޝަރުތުތަކަށެވެ.

ދިރާސާތަކާއި ސިއްހީ އިންޒާރުތައް

ނިކޮޓީން އެޑިކްޝަން، ފުއްޕާމޭއަށް އަނިޔާވުމާއި، ސިއްހީ އެހެނިހެން މައްސަލަތައް ހިމެނޭ ގޮތަށް ވެޕިންގ ގެ ސަބަބުން ކުރިމަތިވެދާނެ ނުރައްކާތަކަށް އަލިއަޅުވާލާ ދިރާސާތައް އުފެދެން ފެށިއެވެ. މިކަމުގެ ސަބަބުން ސްކްރޫޓިން އިތުރުވެ، ގަވާއިދުތައް ހަރުކަށި ކުރުމަށް ގޮވާލާފައިވެއެވެ.

ފްލޭވަރޑް އީ-ސިނގިރޭޓް މަނާކުރުން

ވޭޕް ރެގިއުލޭޝަންގައި އެޅި މުހިންމު އެއް ފިޔަވަޅަކީ ފްލޭވަރޑް އީ-ސިނގިރޭޓް މަނާކުރުމެވެ. އެމެރިކާގެ ބައެއް ހިސާބުތައް ހިމެނޭ ގޮތަށް ގިނަ ގައުމުތަކާއި ސަރަހައްދުތަކުން މި މަނާކުރުންތައް ތަންފީޒުކުރީ ޒުވާނުންގެ ވެޕިން ހުއްޓުވުމަށް ކަމަށާއި، ރަހަތައް ވަކިން ހާއްސަކޮށް ޒުވާން ޔޫޒަރުންނަށް ކަމުދާ ކަމަށް ބެލެވުނު ކަމަށެވެ.

އައުޓްރައިޓް މަނާކުރުން

ބައެއް ޤައުމުތަކުގައި ވެޕިންގ ޕްރޮޑަކްޓްތައް ފުރިހަމައަށް މަނާކުރުން ތަންފީޒުކޮށްފައިވެއެވެ. މި މަނާކުރުންތައް ގިނަ ފަހަރަށް އުފެދެނީ ސިއްހީ އަސަރުތަކާ މެދު ކަންބޮޑުވުމާއި، ދިގު މުއްދަތަކަށް ދިރާސާތައް ނުކުރުމާއި، ޒުވާނުންގެ ތެރޭގައި ނިކޮޓީން އެޑިކްޝަން ހުއްޓުވުމަށް ކުރާ ޝައުގުވެރިކަމެވެ.

ހިނގާ ބަހުސްތަކާއި އެޑްޖަސްޓްމަންޓްތައް

ވެޕިންގ އަށް ރެގިއުލޭޓަރީ ލޭންޑްސްކޭޕް ކުރިއަރަމުންދެއެވެ. ބައެއް ސަރަހައްދުތަކުން ވަނީ އާ ދިރާސާތަކާއި އާންމު ސިއްހަތުގެ ކެމްޕޭންތަކާއި ދުންފަތުގެ އިސްތިއުމާލުކުރާ މީހުންނަށް ލިބޭ ގެއްލުން ކުޑަކުރުމާއި އާ އެޑިކްޝަންތައް ހުއްޓުވުމާ ދެމެދު އޮންނަ ބެލެންސް އަށް ބިނާކޮށް ސިޔާސަތުތައް އެޑްޖަސްޓްކޮށްފަ އެވެ.

ދިވެހިރާއްޖޭގައި ވޭޕްކުރުން ހުއްޓުވުމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު މުހިންމު ނިންމެވުންތަކެއް ވަނީ ނިންމަވާފައެވެ. އެނިންމެވުމުގައިވަނީ "ވޭޕްކުރުމަށް ބޭނުންކުރާ ތަކެއްޗާއި، އެ ތަކެތީގެ ވަކިވަކި ބައިތައް ދިވެހިރާއްޖެއަށް އެތެރުކުރުން 15 ނޮވެމްބަރ 2024 އިން ފެށިގެން މަނާ ކުރުމަށާއި، ދިވެހިރާއްޖޭގައި ވޭޕްކުރުމަށް ބޭނުންކުރާ ތަކެތި ބޭނުންކުރުމާއި، ގެންގުޅުމާއި، އުފެއްދުމާއި، ވިއްކުމާއި، ރާއްޖޭގައި އިޝްތިހާރު ކުރުމާއި ހިލޭބެހުން 15 ޑިސެމްބަރ 2024 އިން ފެށިގެން މަނާކުރުމަށް ކުރަންޖެހޭ އެންމެހާ ކަންކަން ކުރުމަށް ކަމާބެހޭ ފަރާތްތަކަށް" ކަމަށް ރައީސް ކުރެއްވި ޓްވީޓްގައިވެއެވެ. އަދި މީގއ އިތުރުން ދުންފަތުގެ އިސްތިޢުމާލު ކުރުމުން ދުރުހެލިވުމަށް ބާރު އެޅުމުގެ ގޮތުން, ސިނގިރޭޓާއި ބިޑިން ނަގާ އިމްޕޯޓު ޑިއުޓީ ގާތްގަނޑަކަށް ތިން ގުނަ ބޮޑުކުރަން ރައީސް ޑރ. މުޙައްމަދު މުއިއްޒު ވަނީ ނިންމަވައިފައެވެ. ރައީސް ނިންމެވި ކަންކަމުގެ ތެރޭގައި ހިމެނެނީ، އެކްސްޕޯޓް އިމްޕޯޓްގެ ގާނޫނުގެ ހަތްވަނަ މާއްދާގެ ޗެޕްޓަރު 24ގެ ދަށުން ސިނގިރޭޓާއި ބިޑިއަށް ނަގާ އިމްޕޯޓް ޑިއުޓީގެ ސްޕެސިފިކް ރޭޓް ތިން ރުފިޔާއިން އަށް ރުފިޔާއަށް މަތިކުރުމާއި މި މުދަލުން ނެގޭ އެޑްވަލޮރަމް ރޭޓް 50 އިން ސައްތަ މަތިކުރުމެވެ.