ޕްރިމިއާ ލީގުގައި ނޮޓިންހަމް ފޮރެސްޓާ ދެކޮޅަށް ކުޅުނު މެޗުގައި އެސްޓަން ވިލާގެ ކީޕަރު އެމިލިއާނޯ މާޓިނޭޒް ‘މިހާތަނަށް ކުރި އެންމެ މޮޅު ސޭވް’ ކޮށްފި. ހޮނިހިރު ދުވަހު ޕްރިމިއާ ލީގުގައި ނޮޓިންހަމް ފޮރެސްޓާ ދެކޮޅަށް ކުޅުނު މެޗުގެ 59 ވަނަ މިނެޓުގައި އެސްޓަން ވިލާގެ ކީޕަރު އެމިލިއާނޯ މާޓިނޭޒްގެ ވަރުގަދަ ދިފާޢެއް ފެނިގެން ގޮސްފިއެވެ. ފޮރެސްޓްގެ ނިކޮލަސް ޑޮމިންގޭޒް ބޮލުން ފޮނުވާލި ހަމަލާއެއް އޭނާގެ ކައިރިން ވިއްސައިގެން ދިޔައިރު މާޓިނޭޒް ފަހަތަށް ފުންމާލައިގެން އެއް އަތް ދިއްކޮށް ކޮންމެވެސް ގޮތަކުން ބޯޅަ ބިންމައްޗަށް ކޮއްޕާލީ ގޯލް ލައިންގެ ކުރިމަތީގައި އެންމެ ސެންޓިމީޓަރު ދުރުގައި އޮއްވާ ގޯލަށް އެނބުރުން ހުއްޓުމަށެވެ. އެއީ، ބީބީސީގެ މެޗު އޮފް ދަ ޑޭގައި ވޭލްސްގެ ކުރީގެ ޑިފެންޑަރު އޭޝްލީ ވިލިއަމްސް ބުނި ފަދައިން، ހަމައެކަނި “އަހަރެން މިހާތަނަށް ދުށް އެންމެ ރަނގަޅު ސޭވް” އެވެ. “އޭނާ އެހާ ވިސްނުންތޫނު، އޭނާ ހުރި ތަނާއި ކުރަން ޖެހޭ ކަންތައްތައް ވިސްނޭ. ،” ވިލިއަމްސް އިތުރަށް ބުންޏެވެ. އެހެން ކުޅުންތެރިން ވެސް ވަނީ މާޓިނޭޒްއަށް ތައުރީފުކޮށްފަ އެވެ. އިންގްލެންޑްގެ ކީޕަރު މެރީ އާޕްސް އިންސްޓަގްރާމްގައި މި ސޭވް “ބިއޯންޑް އައުޓްރޭޖިއަސް” ކަމަށް ބުނިއިރު ޕްރިމިއާ ލީގުން ބުނީ އެއީ “ދުނިޔޭގެ ފެންވަރުގެ” ސޭވްއެއް ކަމަށެވެ. ލިވަޕޫލްގެ ކުރީގެ ޑިފެންޑަރު ޖޭމީ ރެޑްނެޕް ސްކައި ސްޕޯޓްސްގައި ބުނީ އޭނާއަށް “އަހަރެންގެ ހަޔާތުގައި ޕްރިމިއާ ލީގުގައި މިވަރުގެ ރަނގަޅު ސޭވްއެއް ވަކި ނުދެކެން” ކަމަށެވެ. “އެއީ އާދަޔާ ޚިލާފް ކަމެއް، ސްލޭޓް އޮފް ހެންޑް. އެއީ ހަގީގަތުގައި ވެސް ސެންސޭޝަނަލް ކަމެއް،” ރެޑްނެޕް އިތުރަށް ބުންޏެވެ. ނަމަވެސް އާޚިރުގައި މާޓިނޭޒްގެ މިމޮޅު ސޭވް ފާހަގަނުކުރެވިގެން ދިޔައީ އެސްޓަން ވިލާ 2-1 އިން ބަލިވުމުންނެވެ.