މިހާރު ޗެލްސީއަށް ކުޅެމުން އަންނަ ޔުކްރެއިންގެ ހުނަރުވެރި ކުޅުންތެރިޔާ މުޑްރިކް މަނާބޭހަކަށް ޕޮޒިޓިވް ވެގެން ސަސްޕެންޑްކޮށްފިއެވެ. 23 އަހަރުގެ މިކުޅުންތެރިޔާ މިބޭހަށް ޕޮޒިޓިވްވީ އިނގިރޭސި އެފްއޭއިން ކުރިއަށް ގެންދިޔަ ރޫޓިން ޓެސްޓަކުންނެވެ. މިހެންވެ މިހާރު ވަނީ ދެވަނަ ސާމްޕަލއެއްނަގާ ޓެސްޓް ކުރެވިފައެވެ. އަދި މިސާމްޕަލްގެ ނަތީޖޖާ ލިބެންދެން މިކުޅުންތެރިޔާ ހުންނާނި ސަސްޕެންޝަންގައެވެ. މިކަމާ ގުޅިގެން ޗެލްސީންވަނީ ބަޔާނެއް ނެރެފައެވެ. އަދި މިކުޅުންތެރިޔާގެ މައްސަލައިގައި އެފްއޭއާއެކު މަޝްވަރާކުރެވޭ ކަމަށް ބަޔާނުގައި ބުނެފައިވެއެވެ.މިކަމާ ގުޅިގެން މިކުޅުންތެރިޔާގެ އަމިއްލަ ސޯޝަލް މީޑިއާ އެކައުންޓްތަކުން ބުނެފައިވާ ގޮތުގައި އޭނާ އެފަދަ ކަމެއް ނުކުރާ ކަމަށާއި މިއީ ލިބިގެން ދިޔަ ވަރަށް ބޮޑު ކުއްލި ސިހުމެއްކަމަށެވެ. އަދި އުއްމީދަކީ ދެވަނަ ޓެސްޓްގެ ނަތީޖާ ނައްސިވުންކަމުގައެވެ.