ނައިޖީރިއާގެ ފޯވަޑް އަދި އެޓްލާންޓާއަށް ކުޅެމުން އަންނަ ލުކްމަން ކޮންފެޑެރޭޝަން އޮފް އެފްރިކަން ފުޓްބޯޅައިގެ 2024 މޮޅު ކުޅުންތެރިޔާގެ އެވޯޑު އުފުލާލައިފިއެވެ. ލުކްމަން މިއެވޯޑް އުފުލާލީ މޮރޮކޯގެ މަރަކެޗްގައި ބޭއްވި ސީއޭއެފް ގެ އެވޯޑް ހަފްލާގައެވެ. ލުކްމަން އާއެކު މިއެވޯޑަށް ވާދަކުރީ މޮރޮކޯގެ އަޝްރަފް ހަކީމީ އާއި ދެކުނުއެފްރިކާގެ ކީޕަރު ރޮންވެން ވިލިއަމްސް އާއި ބްރޫޝިއާ ޑޯޓްމަންޑްގެ ފޯވަޑް ސެރޫ ގުއިރާސް އާއި ބްރައިޓެންގެ ވިންގާ ސައިމަން އެވެ. ލުކްމަން 27، ވަނީ ސީޒަންގައި އެޓްލާންޓާ ކުޅުނު 45 މެޗުން 17 ލަނޑުޖަހައި 10 އެސިސްޓް ހަދާފައެވެ. މީގެ އިތުރުން ޔޫރޮޕާ ލީގު އެޓްލާންޓާއިން ކާމިޔާބުކުރި އިރު ފައިނަލުގައި ބަޔާން ލެވަކޫށަން ކޮޅަށް ހެޓްރިކް ހަދާފައެވެ. މިއީ ކްލަބް ތާރީޚުގެ ފުރަތަމަ ތަށީގެ އިތުރުން ކްލަބުގެ 117 އަހަރުވީ ދިގު ތާރީޚުގައި ބޮޑޫ މުބާރާތެއްގެ ތަށި ކާމިޔާބުކުރި ދެވަނަ ފަހަރެވެ.